Pragada suqbaylar teatrı

Tamaşadan ber küreneş (V.Palatova räseme) - "Yejek häm Çijek" teatrında maxsus belemnäre bulmağan keşelär uynasa da, proyektlarnı oyıştıruda, säxnägä quyuda, bizäwdä professional rejisserlar, ut quyuçılar häm başqa belgeçlär qatnasa.

Yakub Çapka (sulda) Mefistofel rolendä ( V.Palatova räseme) - "Faust"nı säxnäläştergän rejisserlarnıñ berse, "Majak" teatrı wäkile Yakub Çapka: "Bezneñ “Majak” teatrı impovizatsiägä östenlek birä. "Yejek häm Çijek" teatrı belän urtaq qaraşta toruıbıznı kürdek, suña bergäläp eşläp qararğa buldıq."

Tamaşadan ber küreneş (V.Palatova räseme) - Pragada Petrjine taw bitendä yortsız keşelärneñ "Yejek häm Çijek" teatrı "Majak" teatrı belän urtaq proyektın - "Faust" äsären kürsätte. Tamaşa borınğı taş diwar buyındağı ber alanlıqta quyıldı. Äsärne quyuçılar bu urınnıñ sixri köçe bar, di.

Olga Cieslarova (V.Palatova räseme) - "Yejek häm Çijek" proyektın alıp baruçı Olga Cieslarova: “Suqbaylar teatrı - mädäni dä, sotsial da proyekt. Anda suqbaylar yäki elegräk suqbay bulğan keşelär uynıy. Bu eşneñ maqsatı, ber yaqtan, alarga normal tormışqa qaytırğa yärdäm itü. Ikençe yaqtan – cämğiätneñ şuşı suqbaylarğa bulğan qaraşın üzğärtü. Bu ike yaqlı proyekt.”

Tamaşadan küreneş ( B.Timerova räseme) - “Yejek häm Çijek” teatrı üz eşen Daniil Xarmsnıñ yortsızlar yäşäyeşe turındağı äsärlären quyudan başlağan. “Yejek häm Çijek” iseme dä şunnan kilgän. Soñınnan teatr başqa avtorlarnı da quyğan. Götenıñ “Faustı” - soñgı premyeraları. 6 yıl eçendä "Yejek häm Çijek" 12 äsär säxnäläştergän.

Tamaşadan ber küreneş (V. Palatova räseme) - "Yezjek häm Çijek" teatrında 20läp artist bar. Alar gel almaşıp tora. Berse kilä-kitä, ikençese - eçügä sabışa, öçençese - basqa cirgä küçep kitä. Premyeraga kilmi qalğan artistlar da bula. Bu teatrnıñ artistları uramnarda, poezd vagonnarında yoqlap yöri, alarnıñ daimi eş urını yuq, almaşqa taza kiemnäre dä bulmıy.

Petr Blaha (V. Palatova räseme) - Elek suqbay bulgan Petr Blahanıñ tormışı teatrga kilğäç üzğärä baslıy. Xäzer ul "Yejek häm Çijek" teatrnıñ äydäp baruçı artistı. “Min bu teatrnı bik yaratam, bu miña, tormışımda maqsat, mäğnä bar digän xis birä. Moña qädär min vagonda yoqlap yördem, xäzer yäşäw urınım bar. Tormışım caylana bara.”

Tamaşınıñ tawış rejisserı ( B.Timerova räseme) - Texnik belgeçlär yärdämendä äsär muzıkal yaqtan da professional däräcädä bizälä.