İran: "döres" itep kienü
1
Räsemnär 22 april könne Tähranda töşerelgän (Fars) - İranda xatın-qızlarnıñ yawlıqların "döres" itep bäyläwen polisiä kieme kimägän maxsus keşelär dä küzätä. Bu xäl yıl sayın cäy başında qabatlana. Polisiä xatın-qızlarğa çäçlären kürsätep tösle yawlıq bäyläwne häm bizänüne tıya. Qulğa alınğan xatın-qızlar polisiädä başqa uramğa çıqqanda alay kienmiäçäkläre turında qağäzgä qul quyarğa tieş bula.
2
Räsemnär 22 april könne Tähranda töşerelgän (Fars) - Mäcbüri töstä yawlıq bäyläw İranda 1979 yılğı İslam inqilabınnan soñ kertelde. Şul waqıttan birle xakimiätlär daimi töstä çäçne qaplap yörü kiräklegen añlatır öçen törle çaralar kürep kilde.
3
Räsemnär 22 april könne Tähranda töşerelgän (Fars) - Räsmilärneñ qırıs çaraların küplär, bigräk tä yäşlär qabul itä almadı. Soñğı yıllarda kienü qağidäläre yomşarıp, xatın-qızlar çäçlären kürsätä başlağannar ide, irlär könbatışça kienep çäçlären modağa iärep kisterä başlağan ide.
4
Räsemnär 22 april könne Tähranda töşerelgän (Fars) - Soñğı 10 kön eçendä 10 meñgä yaqın xatın-qızğa kisätü yasaldı, küplär qısqa waqıtqa ğına bulsa da qulğa alındı. Qulğa alınğan xatın-qızlar polisiädä başqa uramğa çıqqanda alay kienmiäçäkläre turında qağäzgä qul quyarğa tieş bula.
5
Räsemnär 22 april könne Tähranda töşerelgän (Fars) - İran polisiäse başlığı İsmail Ähmädi-Moqqaddam, 25 april könne yasağan belderüdä, soñğı aralarda "döres" kienmiçä cämäğätçelek tärtiben bozuda ğäyeplänep 150 meñgä yaqın keşe qulğa alındı, dide.
6
Räsemnär 22 april könne Tähranda töşerelgän (Fars) - Ähmädi-Moqqaddam süzlärenä qarağanda, 13 xatın-qız xökem iteläçäk. Polisiä oyıştırğan bu çaralarnıñ maqsatı – xatın-qızlarnı baştan ayaqqa qadär "törü" tügel, ä alarnıñ ğailäläre häm üzläreneñ iminlegen saqlaw, dide İran polisiäse başlığı.
7
Räsemnär 22 april könne Tähranda töşerelgän (Fars) - Polisiäneñ qırıs çaraları İranda räsmilär, cämäğätçelek arasında häm matbuğatta törle qaraşlar tudırdı. Qaziät başlığı Ayatulla Mähmüd Haşemi-Şarudi xatın-qızlarğa qarşı andıy çaralar kürmäskä çaqırdı. İran basmalarına ul "sotsial ölkädä qırıs çaralar tirskäre näticäğä kiterergä mömkin" dip beldergän.
8
Räsemnär 22 april könne Tähranda töşerelgän (Fars) - Reformaçıl studentlar törkeme räsmilärneñ bu çaraları näticäle bulmayaçaq, çönki mädäniätne mäcbüri iñderep bulmıy, dip sanıy.
9
Räsemnär 22 april könne Tähranda töşerelgän (Fars) - 25 aprildä qanun çığaruçılar Eçke Eşlär ministrlığı häm polisiägä "yaxşı eş" öçen räxmät belderde. Räxmät xatında xatın-qızlarnıñ "döres itep kienmäwe" AQŞ häm İzraildän kilä, dielgän.
10
Räsemnär 22 april könne Tähranda töşerelgän (Fars) - 24 aprildä İran mädäniät ministrı Hössäin Säffär-Herandi, mäğlümat çaralarına, polisiäne artıq täñqitlämäskä quştı.
11
Räsemnär 22 april könne Tähranda töşerelgän (Fars) - Keşe xoquqların yaqlawçılar xatın-qızlarğa mäcbüri töstä Xicab bäylärgä quşunı – xatın-qızlar xoquqların boza, dip belderde. Xanımnar bu mäsälädä üzläre qarar qılırğa tieş, dip sanıy xoquqçılar.