Säddam Xösäyen: Tormış Sürätläre

1
Iraq -- collage of images of Saddam Hussein - Säddam Xösäyen tormışınıñ törle yıllarında (AFP)

2
Iraq -- Saddam Hussein (right) with Palestinian leader Yasser Arafat, Baghdad, 25Sep1980 - Xösäyen (uñda) Fälästin citäkçese Yasir Arafat belän, Sintäber 1980. Farsı Qultığı suğışı waqıtında Arafat Xösäyenne xuplağan berdän-ber ğaräp citäkçese buldı. (epa)

3
Iraq -- Saddam Hussein on the front during Iran-Iraq war, undated - 1980-1988 yıllarda Xösäyen İran belän qanlı häm uñışsız suğış alıp bardı. Barlığı 1.7 million çaması keşe häläk buldı, ike ilneñ dä iqtisadı tar-mar itelde.

4
Iraq -- Saddam Hussein in the mid-1990s - Kalaşnikov totıp töşkän Xösäyen - 1990nçı yıllarda kiñ taralğan räsem. İran-Ğiraq suğışınnan soñ Xösäyenneñ iğtibarı neftkä bay Küwäytkä yünälde. Ğiraqnıñ bu ilgä $30 milliard burıçı bar ide. 1990 yılnıñ 2 Awgustında Xösäyen kürşe Küwäytkä basıp kerde, berençe Farsı Qultığı suğışı başlandı. (epa)

5
Iraq -- Saddam Hussein and wife visiting son, Uday, Baghdad, 1996 - Säddam Xösäyen berençe xatını Sacidä belän Bağdad xastaxanäsenä ulı Uday xälen belergä kilgäç. 1996 yılda aña yasalğan höcüm näticäsendä Uday ğärip qaldı. Uday tuğanı Qusay belän qansız rejimınıñ ber öleşe ide. İkese dä AQŞ citäklägän koalitsiä köçläre tarafınnan 2003 yılda Mosulda üterelde. (epa)

6
Iraq -- Saddam Hussein as the ace of spades, 2003 - Berniçä yıl kierenkelek häm Ğiraqnıñ BMO qararların kire qağuınnan soñ, AQŞ citäklägän koalitsiä köçläre 2003neñ yazında Säddamnı bärep töşerde. Xösäyen häm başqa Ğiraq räsmilären ezlägän amerikan räsmilärenä alarnıñ sürätläre töşkän kartlar taratıldı.

7
Iraq -- Workers ready for removal one of Baghdad's last bronze busts of Saddam Hussein from one of his many palaces in the capital, 02Dec2003. - Säddam Xösäyenneñ Bağdadtağı sını 2003neñ 2 Dikäberendä alındı. AQŞ citäklägän koalitsiä köçläre kerügä Ğiraq xökümäte tizdän işelep töşte, berniçä atna eçendä bar il diärlek basıp alındı. Xösäyen üze ozaq qına ezläwdä buldı. (epa)

8
Iraq -- Saddam Hussein at his capture, 14Dec2003 - Amerikan xärbiläre Xösäyenne 2003neñ 13 Dikäberendä Tikrit qalası yanındağı ber awıl çitendä ezläp taptı. Ul qırıs şartlarda cir astındağı ber oyada qaçıp yäşägän bulğan. (epa)

9
Iraq -- Saddam Hussein shortly after his capture on 14Dec2006 - Säddam Xösäyen 2003neñ 13 Dikäberendä qulğa alınğannan soñ. Soraw alu waqıtında ul "min qatı qullı, läkin ğädel citäkçe idem" digän. (epa)

10
Iraq -- Saddam Hussein being led away from a court hearing, 01Jul2004 - 2004neñ 1 Yülendä Bağdadta Xösäyen mäxkämäneñ berençe utırışına alıp barıla. Ul çaqta mäxkämäneñ niçä utırış ütkäräçäge, nindi xökem çığarılaçağı äle bilgesez ide. (epa)

11
Iraq -- an anti-Hussein demonstration, Baghdad, 15Jul2004 - Ğiraqlılar 2004neñ 25 Yülendä Bağdad demonstratsiäsendä Xösäyen süräten taptıy. Sönnilär arasında küpmeder abruyı bulsa da, ğiraqlılarnıñ kübese Säddamnıñ xökem itelüen xuplap qarşı aldı. (epa)

12
Iraq -- Saddam Hussein being questioned, Baghdad, 28Jul2005 - Säddam Xösäyen 2005neñ 28 Yülendä Ğiraqnıñ maxsus tribunalı aldında cawap tota. Berençe itep aña 1982 yılda Äl-Dücäil qalasında 148 şiğineñ üterelüe öçen ğäyepläw belderelde. Bu qalada anı üterü omtılışı äzerlängän dip xäbär itelä. (epa)

13
Iraq -- Hussein in court, 19Oct2006 - Äl-Dücäil qalasında keşeçelekkä qarşı qılınğan cinäyätlärne tikşerü eşe Bağdadta 2006nıñ 19 Üktäberendä başlandı. Xösäyen üz isemen atawdan, süz aludan, mäxkämäne tanudan baş tarttı. Anıñ belän bergä anıñ 7 tarafdarı cawap tottı. (AFP)

14
Iraq -- Saddam Hussein yawns while listening to the prosecution during the 'Anfal' genocide trial in Baghdad, 20Dec2006 - Äl-Dücäil eşe tikşerelgän arada Säddamğa ikençe ğäyepläw belderde. Ul 1987-1988 yıllarda Kördlärgä qarşı oyıştırılğan kampaniä barışında 180 meñläp keşeneñ üterelüe öçen ğäyeplände. 2006neñ 20 Dikäberendä töşerelgän bu räsemdä, Säddam mäxkämä utırışında isnäp töşkän. (epa)

15
Iraq -- remains recovered from a mass grave in Al-Samawa desert, 25Apr2005 - 2005neñ 25 Aprilendä Bağdadtan 270 çaqırım könyaqqa taba kümäk qäberlek tabıldı. Tikşerüçelär fikerençä, bu qaldıqlarnıñ qayberläre Kördlärgä qarşı oyıştırılğan kampaniä qorbannarı. (epa)

16
Iraq – Politics / history – The former Iraqi leader Saddam Hussein yells at the court as he is sentenced to death, Baghdad, 05Nov2006, 2006region - 2006nıñ 5 Noyäberendä Xösäyen häm anıñ ike tarafdarı ülemgä xökem itelde. 26 Dikäberdä Apelätsiä mäxkämäse bu qararnı köçendä qaldırdı häm 30 kön eçendä anı ğämälgä quyarğa qarar itte. 27 Dikäber yasağan belderüendä Säddam Xösäyen üzen Ğiraq xaqına "qorban" itäçägen äytte. (epa)

17
Iraq -- An Iraqi man reads the headlines of a newspaper as he follows the news on Saddam's trial and sentencing in Baghdad, 27Dec2006 - Bu räsemdä ber ğiraqlı 27 Dikäber gäzitendä Xösäyengä çığarılğan qarar turında uqıy. (epa)